SJTERRE SJTROALE IN BERG AAN DE MAAS!

Broadway aan de Maas wurd ´n geweldig (lach) sjpektakel op de zaoterdigaovend van ´t Ougsfeas.

De muzikante van de Jeughermenie repetere hun partiture van de Lion King. 
Blikske wurd veurzeen van eine sjuët oalie om ’t gaele paad te volge nao de Touvenaer van Oz.

Jong sjterre van Basissjoal de Avonturijn en de Bergse Brök Jeug höbbe zich same gepak om de aafsjeidsmusical: Windkracht 8 op te veure.

Wurd Oose Leevenhaer gekruusigd in Jesus Christ Super Star?
In Chicago sjtoan de kezette vol moard en doadsjlaag door Roxy & Velma.

Zellefs sjpeciaal bezeuk wurd oppe zaoterdig verwach!
De 3 Jantjes komme via de korste omwaeg vanoet Amsterdam per boat euver de maas noa Berg. En dan moage weer ‘THING’ of te waal in ’t Bergs: ’t DENK oet The Adams Family absoluut neet vergaete! En wae weer ouch neet moage vergaete is de oma van 116 joar die ein bitje van de hawtbaarheidsdatum aaf is en die zich mer neet laet kiste.

Mer zonger ein grande eupening…………gein Broadway!
Nemes minder es de Sjötte van Nattehoave, ein fantastische Dixylandband en zellefs ’t Vrieheidsbeeld wurd euvergevloage om te loate deilnumme aan Broadway aan de Maas.

Tössje de musicals door moage weer goan geneete van versjillende ingehuurde acts o.a. Groep Hagelevol oet Aelse welke door de sjtroate flanneere es de musical ‘Les Miserables’. Ouch ingehuurde attribute zoa wie ein vleegmesjien, ein kotsj eine Adams Family begrafeniswage en paerd!

Mer aan al ’t sjoans kump ouch ein enj.
Dees aer is weggelag veur nemes minder dan oos Ouchskeunigin Mirthe.
Zie sjlut aaf mit de musical: ‘There is no business like showbusiness’

ZAOTERDIGAOVEND 20 AUGUSTUS: BROADWAY AAN DE MAAS.
LEKKER AWWERWETS LACHE LANGS DE KENJTE IN BERG!
GEER KOMT TOCH ZEKER OUCH?

Names alle deilnummers van ’t sjtroattheater 2011,

Robert & Sylvia Buckx